Pagpapatiwakal
Erica Abbass



hayaan na lunurin ako
ng totoong luha
na bubukal sa sarili kong ugat

dadaloy
patuloy

hayaan na laslasin
ang sariling isip
para makalaya

di na makuklong
wala nang tanikala

hayaang ibitin
ng nagkukumagkag na mga kamay
sa itaas

lalambitin

hayaang padaluying muli
ang dugo sa umaantak na sugat
paghilom ng laman


ay di nalalayo

hayaan na malagutan ng hininga
at umiyak
at magsisi

ngunit huli na

dahil ako'y nagpatiwakal
matagal na.